ပရဟိတ ၊ စိတ်ထားလှ၍
အိမ်ကအရင် စသင့်၏။
သင့်တွင်ရှိထား ၊ ဤစိတ်ထားမှာ
များတွက်သာလည်း ဖြစ်သင့်၏။
အိမ်မှာငြူစူ ၊ ပြင်ကြလှူ၍
ကူညီဖေးမ ၊ သင်လှူပြလည်း
သိကြ သူငှါ ၊ ရယ်ဖွယ်ရာမို့
ဘယ်မှာ စိတ်ထားလှအံ့နည်း။
ဆူးငယ် သစ် (ရန်ကုန်)
TUE, 9AUG 9:00AM
ပရဟိတ စိတ်ကို အိမ်က အရင်စပါဆို တဲ့ ဆုံးမ စကားတစ်ခွန်းကို ကြားခဲ့ဖူးပါတယ်…။
ပါဠိ စကား အဓိပ္ပာယ် ဖွင့်ဆိုချက် အရဆို
ပရ = တပါးသူ၏
ဟိတ = အကျိုးစီးပွား လို့ အဓိပ္ပာယ် ရပါတယ်…။
ပရဟိတစိတ်ရှိသူဆိုတာ
တပါးသူ၏ အကျိုးစီးပွားကို မိမိအတွက်ဘာအကျိုးမှ မလိုအပ်ပဲ
စိတ်ရင်း အမှန် စေတနာနှင့် ကူညီလုပ်ဆောင်သူကို ခေါ်ပါတယ်။
ပရဟိတ လုပ်နေတဲ့ ဂုဏ်ဆိုတာတောင် သူအတွက် မလိုအပ်ပါဘူး။
အပြင်မှာ ပရဟိတ စိတ်ပြင်းပြသူအဖြစ် ဟန်ပြနေပြီ။
အထူးသဖြင့် အိမ်မှာရှိနေတဲ့ မိဘ ၊ ညီအစ်ကို မောင်နှမ အစရှိသဖြင့် သူတွေအပေါ်မှာ ငြူစူ စောင့်အောင့် နေတတ်ပြန်လျင်လည်း တရားနည်းလမ်းမကျပြန်ပါဘူး။
ပရဟိတ သမားဆိုတာ အများအကျိုးအတွက် မိမိအကျိုးကို စွန့်လွှတ် ထားသူတွေ ဖြစ်တဲ့အတွက်
ပြင်ပ လူတွေ အပေါ်မှာ မွန်မြတ်တဲ့ စေတနာ ထားနိုင်လျင် မိမိ မိဘ ညီအစ်ကို မောင်နှမ ဖြစ်တဲ့ မိမိရဲ့ မိသားစုဝင်တွေ ၊ မိမိဆွေမျိုးအသိုင်းအဝိုင်းတွေ ပေါ်မှာလည်း စွန့်လွတ်အနစ်နာခံတတ်တဲ့ စိတ်ရှိဖို့ လိုပါတယ်။
လူအထင်ကြီးအောင် ၊ ပရဟိတ သမားဆိုတဲ့ ဂုဏ်ရအောင်လုပ်နေတာ ဆိုလျင်တော့ ဒါဟာ
မိမိဂုဏ်သတင်း ၊ မိမိ ကိုယ်ကျိုးအတွက် လုပ်နေတာဖြစ်တဲ့ အတွက် မိမိကိုယ် မိမိ ရှက်သင့်ပါတယ်။
ဘာဖြစ်လို့လဲ ဆိုတော့ သင်ဟာ ပရဟိတ မဟုတ်ဘဲ
အတ္တဟိတ အတွက် အလုပ်လုပ်နေသူ ဖြစ်လို့ပါပဲ။
ဆန္ဒမွန်ဖြင့်
ဆူးငယ်သစ်(ရန်ကုန်)
Post a Comment