ကြေကွဲစိတ်နွမ်း
လမ်းခွဲတဲ့အခါ ၊ တို့ မျက်နာတွေ
မြင်လွှာချင်းဆိုင် ၊ အသည်းခိုင်ဖို့
အနိုင်ပိုင်းထွက် ၊ တွဲသောလက်ကို
တသက်မေ့ကြေး ၊ နောက်ဆုံးတေးအဖြစ်
'ဝေး' ဒီချိန်ခါ ဆိုကြမယ် ...။
ကျောချင်းမကပ်
မျက်နှာအပ်ပြီး ၊ နောက်ထပ်တွေ့ကြုံ
ပြန်မဆုံဖို့ ၊ ရင်ခုန်နှုန်းကို နှိမ့်ကြမယ်...။
ကိုယ်ကြိုက်သည့်လမ်း
ကိုယ်စီလှမ်းဖို့ ၊ လွမ်းစိတ်ကိုဖျောက်
တို့နှစ်ယောက်သည်
နောက်တစ်လှမ်းခြင်း ဆုပ်ကြမယ် ...။
မြင်လျက်ခွဲခွာ ၊ ဝေးသောခါတွင်
ကြမ္မာလူ့ဘုံ ၊ တဖန်ဆုံသော်
ကြုံလည်းကျောချင်း ၊ မသိခြင်းနှင့်
ရင်တွင်းမီးကို ငြိမ်းကြမယ် ...။
သစ္စာပျက်ပြုန်း ၊ မချစ်မုန်း၍
လုံးသောကမ္ဘာ ၊ သူ့နိယာနှင့်
စွန့်ခွာ ငါတို့ ပုန်းကြမယ် ...။
မျက်ရည်တစ်စ ၊ မြေသို့ကျလည်း
ခဏခိုနား၊ ဖူးစာမှားဟု
စိတ်များကိုတင်း၊ လမ်းခွဲခြင်းဖြင့်
ချင်းချင်း ငါတို့ နှုတ်ဆက်မယ်။
အဆိပ်ပမာ၊ ချစ်မာယာကို
ငြိမ်းစွာချေဖျက် ၊ ငါတို့လက်ကို
တစ်သက်တာတွက် ဖြုတ်ကြမယ် ...။
မင်းမျက်ရည်တို့ မကျနှင့် ...။
ဆူးငယ်သစ်(ရန်ကုန်)
Thursday,August 30,2018,12:30 AM
Post a Comment