တို့တိုင်းပြည်မှာ
အာဏာယစ်မူး ၊ စစ်ဘီလူးတို့
မထူးဇာတ်ခင်း ၊ ဖျက်ဆီးခြင်းကို
ဉာဏ်ကင်းမဲ့စွာ လုပ်နေတယ်။
တို့ တိုင်းပြည်မှာ
အသေနာဖို့ ၊ အသာနေရင်း
တော်လှန်ခြင်းကို ၊ ငြင်းလျှက်ပြစ်ဆို
မပါလိုသည့် ၊ လူပိုတွေလည်း ရှိသေးတယ်။
တို့ တိုင်းပြည်မျာ
ကျွန်ပမာလို ၊ လွန်စွာ ဘောမ
သဘောကျစွာ ၊ အဘ အဘ
သုံးမရတဲ့ ၊ လူတချို့လည်း ရှိသေးတယ်။
တို့ တိုင်းပြည်မှာ
အာဏာရှင်အောက် ၊ ဒူးထောက်ခစား
ကျွန်ငဖားနှင့် ၊ အမှား အမှန်
ခွဲခြားရန်လည်း ၊ သိဉာဏ်မရှိ
နုံအသည့်လူ ၊ မှိုင်းမိသူတို့ ရှိသေးတယ်။
တို့ တိုင်းပြည်မှာ
ရှက်စရာမို့ ၊ သင်ဟာ ဘယ်လို လူမျိုးလဲ။
နောင်တစ်ခေတ်ခါ ၊ သင့်လိပ်ပြာ
လုံစွာ နေနိုင်ကြပါစေ။ ။
ဆူးငယ်သစ်(ရန်ကုန်)
11:48 PM | Sun 5/16,2021
Post a Comment